ගාන්ධිගේ අළු මුහුදට

ඉන්දීය නිදහස් අරගලයේ වැදගත් මෙහෙවරක් ඉටුකරපු මහත්මා ගාන්ධිගේ අළුවලින් කොටසක් දකුණු අප්‍රිකානු මුහුදු තීරයේදි ඊයේ (ජනවාරි 30) විසුරුවලා. මේක කරල තියෙන්නෙ ඔහුගේ මරණයේ 62 වැනි සංවත්සරය සනිටුහන් කරන්න.

සාමාන්‍යයෙන් හින්දු ආගමට අනුව පුද්ගලයෙක් මියගියාම ඔහුගේ අළු ජලයට එකතු කරන්න ඕන. නමුත් 1948 දි මහත්මා ගාන්ධි ඝාතනයට පස්සෙ ඔහුගෙ අළු නෑදෑ හිතවතුන් අතරෙ බෙදල දීල. තවමත් කීදෙනෙක් ළඟ මේ ඉතුරුවෙච්ච අළු තියෙද කියන එක නිශ්චිත නැහැ.

ඉතා චාම් විදියට පවත්වල තියෙන මේ උත්සවයෙදි විසිරවපු අළු ගාන්ධි පවුලට ලබාදීල තියෙන්නෙ ඔවුන්ගෙ ව්‍යාපාරික හිතවතෙක්. උත්සවයේ මුලසුන ගත්තෙ මහත්මා ගාන්ධිගේ මිණිපිරියවන දැනට දකුණු අප්‍රිකාවේ ජීවත්වෙන ඒලා ගාන්ධි (Elaa Gandhi). අළු විසුරුවලා තියෙන්නෙ ගාන්ධිගේ මුණුපුරෙක්.



අවිහිංසාවාදියෙක් ලෙස සැලකෙන ගාන්ධි 1948 ජනවාරි 30 වැනිදා රාත්‍රියේදී නව දිල්ලියේ ගමන් කරමින් ඉන්න අතරෙදි තුවක්කුකරුවෙකු අතින් ඝාතනය වුණා. පසුව ඒ තුවක්කුකරු හින්දු මූලධර්මවාදියෙක් ලෙසට හඳුනාගැනුණු අතර 1949 නොවැම්බර් මාසයේදී ඔහුට මරණ දඬුවම හිමිවුණා.

උත්සවයේ දර්ශන කිහිපයක් මේ වීඩියෝවෙන් බලාගන්න:
http://www.youtube.com/watch?v=MRtjS0sYLi8

ලෝක සිතියමේ දකුණු අප්‍රිකාව තියෙන්නෙ මෙන්න මෙතන:


වැදගත් සබැඳි:
මහත්මා ගාන්ධි
ඉන්දීය නිදහස් අරගලය

ලිපියේ මූලාශ්‍ර:
http://en.wikinews.org/wiki/Gandhi_ashes_scattered_off_South_African_coast
http://news.bbc.co.uk/2/hi/south_asia/8486549.stm