යුක්රේනෙත් ජනපති තෝරන්න මඩ වැසි

මේ දවස්වල ඡන්ද උණුහුම තියෙන්නෙ අපේ ලංකාවෙ විතරක් නෙවෙයි. යුක්රේනයේ ජනපතිවරණය පැවැත්වෙන්නෙ 2010 ජනවාරි 17 වැනිදා. මේ ලියන වෙලාවට අනුව නම් හෙට.

මේක 1991දි සෝවියට් දේශෙන් නිදහස ලැබුණට පස්සෙ පැවැත්වෙන පස්වැනි ජනාධිපතිවරණෙ. අපේක්ෂයකයන් 18 දෙනෙක් නාම යෝජනා බාර දීල තියෙනවා.

වික්ටර් යානුකොවිච්	ජූලියා ටිමොෂෙන්කෝ

ලංකාවෙ වගේම යුක්රේනෙත් අපේක්ෂකයො මඩ ගහගන්න එක සාමාන්‍ය දෙයක්. ප්‍රධාන අපේක්ෂකයො දෙන්න වන වත්මන් ජනාධිපති වික්ටර් යානුකොවිච් (Viktor Yanukovich) සහ වත්මන් අගමැතිනී ජූලියා ටිමොෂෙන්කෝ (Yulia Tymoshenko) තමයි මේ අතරින් කැපිල පේන්නෙ. ටිමොෂෙන්කෝ කියන්නෙ යානුකොවිච් ඔස්ට්‍රියාවෙයි ඔස්ට්‍රේලියාවෙයි වෙනස අඳුරන්නෙ නැති මෝඩයෙක් කියල. යානුකොවිච්ට අනුව ටිමොෂෙන්කෝ මැතිවරණ දවසෙ ප්‍රචණ්ඩ ක්‍රියා බර ගාණකට ලෑස්ති වෙලා ඉන්නෙ.

යානුකොවිච්ට සහය දැක්වීමට පවත්වන සංගීත ප්‍රසංගයක්

ඇත්තටම මේ මැතිවරණෙ ප්‍රචාරක කාල සීමාවෙදි සිදුවෙච්ච ප්‍රචණ්ඩ ක්‍රියා ගණන ඉතාම ඉහළ අගයක් ගන්නව කියලයි මැතිවරණ නිරීක්ෂකයන් කියන්නෙ. ජනමත විමසුම්වලට අනුව ජනතාවගෙන් 57%කගෙ () අදහස ඡන්ද ප්‍රතිඵල දූෂිත වේවි කියල.

මේ අපේක්ෂකයො දෙන්නගෙන් දැනට නම් වැඩිපුර බර යානුකොවිච්ගෙ පැත්ත. ඒත් අපේක්ෂකයන් සංඛ්‍යාව වැඩි නිසා ජනාධිපති වෙන්න අවශ්‍ය 50%ක ප්‍රතිශතයක් ගන්න එක බොහොම අමාරුයි. එහෙම වුණොත් ඡන්දෙන් වැඩිම මනාප ගත්තු අපේක්ෂකයො දෙන්න අතර තවත් අවසන් ඡන්දයක් තියලයි ජනාධිපති පත් කරන්නෙ. මේ වැඩේ ලංකාවටත් හොඳයි නේද? වියදම තමයි පුරස්නෙ.

ලෝක සිතියමේ යුක්රේනය තියෙන්නෙ මෙන්න මෙතන:


වැදගත් සබැඳි

• යුක්රේනය
• යුක්රේන ජනාධිපතිවරණය 2010
• සෝවියට් දේශය
  

ලිපියේ මූලාශ්‍ර:

• http://www.washingtonpost.com/wp-dyn/content/article/2010/01/16/AR2010011600941.html
• http://www.reuters.com/article/idUSLDE60E29G20100115
• http://www.reuters.com/article/idUSLDE60B23Q20100112
• http://en.wikipedia.org/wiki/Ukrainian_presidential_election,_2010